影片
更多
2024-10-31
131 浏览
是咁的，一讲起猪骨汤拉面，普罗大众最常联想起嘅发源地可能会系九州，或者博多，但可能一般人未必听过，猪骨汤拉面其实系源自长浜。当我知道香港有间店专食长浜拉面嘅时候，其实我系相当兴奋。因为一，未食过，二，我想知道同猪骨汤拉面天花板，一兰，去比较嘅话，有几大差别。呢间店入面有张相，看似呢个品牌都系做屋台起家架㖞《No.1拉面》香味 (4.5/5) - 香味浓郁。除左猪骨汤嘅香味，仲闻到海苔同酱油嘅香味，相当好闻。汤 (4.5/5) - 中等浓稠，以猪骨汤来讲我认为好合适。笔起个汤，第一啖入口觉得口味算中等至少少偏淡，不过因为我本身钟意食淡口味，所以非常钟意。猪骨嘅鲜味同咸香，我认为同一兰真系有得 fight，未至于去到一兰个汤咁浓郁但都算8成，足够满足。不过，个汤唯一嘅问题系，因为佢比较浓稠，而拉面师傅我谂佢放个面落个汤道时，冇额外去搞均，所以个汤变成个面系淡，个底系咸，食到尾时个汤都偏咸。但整体来讲个汤嘅完成道非常高，猪骨味够浓郁，咸鲜味齐晒，浓稠质地令个面相当挂汤，4.5 分我认为冇比多，亦冇比少。面条 (3/5) - 猪骨汤要配幼面，呢个人人都知道，呢间店亦唔例外。我选左硬面，而可能因
呢间店入面有张相，看似呢个品牌都系做屋台起家架㖞
《No.1拉面》
No.1 拉面
$115
9 浏览
0 赞好
0 留言
香味 (4.5/5) - 香味浓郁。除左猪骨汤嘅香味，仲闻到海苔同酱油嘅香味，相当好闻。
汤 (4.5/5) - 中等浓稠，以猪骨汤来讲我认为好合适。笔起个汤，第一啖入口觉得口味算中等至少少偏淡，不过因为我本身钟意食淡口味，所以非常钟意。猪骨嘅鲜味同咸香，我认为同一兰真系有得 fight，未至于去到一兰个汤咁浓郁但都算8成，足够满足。不过，个汤唯一嘅问题系，因为佢比较浓稠，而拉面师傅我谂佢放个面落个汤道时，冇额外去搞均，所以个汤变成个面系淡，个底系咸，食到尾时个汤都偏咸。但整体来讲个汤嘅完成道非常高，猪骨味够浓郁，咸鲜味齐晒，浓稠质地令个面相当挂汤，4.5 分我认为冇比多，亦冇比少。
面条 (3/5) - 猪骨汤要配幼面，呢个人人都知道，呢间店亦唔例外。我选左硬面，而可能因为我影相都影左3-4分钟，个面食落唔算硬，算刚刚好。麦味都系一如其他幼面咁，唔特别出，但算 ok。
配料 (4.5/5) - 猪叉烧方面，有两款，每款两块。第一款系猪腩肉，出奇地厚切，唔算肥腻，但肉味一般。
而，另一款系猪里脊，瘦，但极之腍同甘香，呢下绝对有惊喜！我认为比腩肉更加出色！
另一款我本身好少会咁早提嘅配料系，海苔！呢道个老板都几大方，比4大块！上菜时个海苔仲系脆架！
另外，都有一款不促之客，系响猪骨汤拉面世界入面比较少见嘅高菜。因为以酱油腌渍，所以个面一到时，闻落系有大阵酱油味。因为有腌制过，都有一定咸度，而我认为对个汤冇特别提升层次，可有可无，但胜在特别，亦够香。
一如其他猪骨汤拉面，都有跟木耳丝。
溏心蛋方面，正常好食。
最后，完食！
整体 - 值得推荐 👍👍👍👍👍
题外话/补充资料：
因为猪骨汤拉面响香港好受欢迎，唔少拉面店都有做。不过以往我试过打正旗号做猪骨汤拉面嘅店，都麻麻地。而呢间无论味道，同性价比都系好高，我系非常推荐，希望佢做得住，越做越旺。
(以上食记乃用户个人意见 , 并不代表OpenRice之观点。)
张贴
