美味餃子店

营业中

休息中

太子饺子店多，今次嚟美味饺子，睇睇吓系咪真•美味。太晏去到得返椰菜、韭菜，直接嗌份双拼。-▪️ 煎云耳椰菜肉饺拼韭菜饺 10只 $56▪️豆浆 $10🥟饺子分7只同10只，姨姨表示俾多$5，多3只🫡煎饺大大只，撇除面头𠮶两只，8只饺子齐齐整整呈圆形咁排，卖相都几靓。平时都食开韭菜饺，第一次食椰菜云耳呢个配搭。食完觉得都系韭菜好味啲，云耳就比较清淡。两款饺子都系菜多过肉，所以食晒都唔会饱饱滞滞。毕竟系煎饺，油系多咗啲，饮啖豆浆清清喉咙。-如果想食辣，美味饺子呢边都有辣菜脯，不过唔会有其他辣椒酱/油。自家制辣菜脯入面仲捞埋豆豉，辣而带咸香，配煎饺系有啲刺激，可能配汤饺更好味。-如果食汤饺，汤底会系生鱼猪骨汤。设最低消费，每人$30。