影片
更多
2017-11-02
1550 浏览
果酱！我就钟意叫果占，因为，有种港式地道嘅感觉，又中又英嘛。以前好钟意罗拔臣嘅柠檬占，不过，依家好难揾。小弟钟意食面包，亦钟意食果酱，所以，旧年去咗一转北海道，专登晌富良野到访「ふらのジャム园」（富良野果酱园），哗！啲果酱口味多到不得了，兼且好特别，而今晚嚟到「一起果酱」，同样喺以独特嘅果酱为卖点。门面一身滴湖水蓝，加上一边摆出全部自家制手工果酱，另一边放满各式各样小盆栽，未入去已有种田园气息。踏进餐厅，气氛不俗，仿如经过田园再走入一家小木屋，田园风嘅木枱、不拘一格嘅木椅，配以柔和嘅灯光，少少墙上嘅小摆设，装修简约。餐厅尾喺水吧，后面就喺厨房，虽然水吧摆咗好多嘢，但感觉有条不紊，整整齐齐。头顶嘅木箱，下面贴上唔同颜色嘅木板，都渗出点点原始味。食物，就梗喺唔会得面包同果酱啦，主餐牌分别有全日早餐、沙律、汤品、小食、前菜、意大利面、意大利饭、烘焙包点、甜品及各样饮品。原打算试试佢哋嘅全日早餐，因为有加入「果酱」成份，可惜，到访当晚无供应。此外，晚市仲另外供应晚餐，一共6款，散点或套餐形式都得，如选择套餐则包括田园沙律、是日餐汤、主菜及甜品，定价为$199-$239 +10%，饮品有半价优惠
门面一身滴湖水蓝，加上一边摆出全部自家制手工果酱，另一边放满各式各样小盆栽，未入去已有种田园气息。踏进餐厅，气氛不俗，仿如经过田园再走入一家小木屋，田园风嘅木枱、不拘一格嘅木椅，配以柔和嘅灯光，少少墙上嘅小摆设，装修简约。
餐厅尾喺水吧，后面就喺厨房，虽然水吧摆咗好多嘢，但感觉有条不紊，整整齐齐。头顶嘅木箱，下面贴上唔同颜色嘅木板，都渗出点点原始味。
食物，就梗喺唔会得面包同果酱啦，主餐牌分别有全日早餐、沙律、汤品、小食、前菜、意大利面、意大利饭、烘焙包点、甜品及各样饮品。原打算试试佢哋嘅全日早餐，因为有加入「果酱」成份，可惜，到访当晚无供应。
此外，晚市仲另外供应晚餐，一共6款，散点或套餐形式都得，如选择套餐则包括田园沙律、是日餐汤、主菜及甜品，定价为$199-$239 +10%，饮品有半价优惠。
温馨提示，繁忙时段用餐时间为90分钟。
田园沙律好简单嘅一道田园沙律，单单就喺沙律菜加车厘茄，啲沙律菜颇新鲜，较特色嘅喺配热情果油醋汁，酸爽醒胃，仲有少少果肉，并洒咗丁点芝士碎。
是日餐汤餐汤有罗宋汤及野菌忌廉汤供选择，我就较偏爱后者多啲。个汤下咗唔少忌廉，啱晒我，入口香滑富菌香，汤内又保留少少菌粒，不俗。如果，加一片多士配一款手工果酱就更好嘞！
蒜辣青柠酱焗龙虾配龙虾汁意粉 $139（散点价） / $199（套餐价）拣呢道意粉真喺无拣错，有半只波士顿龙虾，货真价实，铺满蕃茄蓉，好鲜活，不过，蒜辣、青柠嘅味道就唔太突出；
然而，超多虾膏，虾肉亦好爽口，蟹钳处理过，好易拆走个壳，入口啖啖肉，另有意粉中混入唔少虾肉粒，所以，唔单单得龙虾𠮶几啖肉。再者，意粉嘅份量颇多，又能够煮到恰好处，咬落有嚼劲，条条意粉挂满汁，抵食。
套餐本身包法式焦糖焗蛋，但可加$15转是日蛋糕，见饼柜摆放咗3款蛋糕：朱古力脆脆、朱古力蛋糕及柠檬挞，以最后者较吸引，炖蛋虽然都啱食，但柠檬挞更想试。
柠檬挞 +$15面层加咗烘蛋白，令整件挞嘅卖相更有层次，望落唔会咁寡，而啲烘蛋白入口轻盈软绵，好有绵花糖嘅口感；中间满满柠檬果蓉，既清新，又果香味浓郁，唯一挑剔喺挞壳唔喺脆底，只可以讲喺松化。
玫瑰苹果奶昔 $21（跟餐半价）之前睇啲食评已好想试揾果细3做嘅奶昔，不过，原来唔喺款款果酱都可以用嚟做，故原本选嘅蛋黄菠萝唔得，就改以玫瑰苹果。好有玫瑰香，但苹果味就弱啲，奶感个人亦觉得唔够强，未有预期般好。
上文提过嘅「ふらのジャム园」（富良野果酱园），都想借个地方介绍吓，店内唔单止有成30多款果酱，而且，不少口味独特，平常少见，如黑实莺神乐（Hasukappu）、大黄（Rhubarb）、红菜头（Beetroot）、甘笋（Carrot）……等等，最正喺备有面包及饼干供各款果酱试味，慢慢试啱先买。
如果太多口味实在试唔晒，又唔知点拣，就简单啲不妨晌10大排行榜着手。
细心留意，会发现佢哋啲餐具都好精致，另外，服务好好，逐道菜上，唔急唔慢，唔会放到一枱都喺嘢食，让客人食得称心。因为被朋友临时甩我底，得一支公都照食，第二日话番佢知有几好味，等我可以沾沾自喜一番。
张贴
