Gull's Kitchen (已結業)

平時都係食亞洲菜多，今次同個frd食中東菜，一人叫咗個卡巴同一塊Pizza，嚟到先知佢啲卡巴係咁大舊，平時出邊食果啲細好多，早知叫一份兩人share la。炸魚柳卡巴，外皮厚薄適中，炸魚柳炸粉超薄，炸得好鬆脆，而且好足料，食到尾都仲食到魚柳，味道辣辣哋，而且啲菜好新鮮爽口，配埋沙律醬都幾開胃。串燒雞肉卡巴，大致上同炸魚柳卡巴差唔多，不過雞肉偏乾身。夏威夷Pizza味道同出邊差唔多，不過勝在大件夾抵食，而且Pizza皮又薄又脆！我個frd飲印度香料奶茶，我試咗少少，覺得味道好特別，真係有香料味，但味道又偏淡，總之就唔係平時飲嘅台式港式奶茶味。而我就飲芒果奶昔，杯嘢顏色超Sharp，好似螢光黃咁嘅色，味道同樣好特別，除咗芒果味，仲有一種唔識形容嘅味道，我認為兩杯飲品果種特別嘅味應該係出於用嘅奶度，用咗印度奶?去到不況可以試一試。