歇腳亭 (已結業)

星期六无无聊聊落街行下，顺便想去饮杯珍珠奶茶过下口瘾。歇脚亭喺黄大仙都开左一排，反正未帮衬过，一于去买番杯爽下先。谂谂下刚刚做完运动，如果饮番杯珍珠奶茶，岂不是白做于是就拣其他喇...见到人气推荐的有荔枝椰果奶茶，虽然都系奶茶，都系高卡饮品，但椰果感觉健康啲。就叫杯无糖试下喇!饮落有淡淡荔枝味其实，叫得依啲topping，都系想多一份口感啫，但系我成杯奶茶饮晒，都吮唔到几多粒椰果，净左超多喺杯底😑条饮管吮极都吮唔上啲椰果。而爸爸唔想都系唔想饮奶茶，于是都拣左杯人气推荐嘅蜂蜜芦荟冰茶。全糖依杯甜好多，爸爸喜欢吮粒粒芦荟，啲芦荟浮晒喺茶面。蜂蜜好清甜，饮落好舒服服务方面都几好，职员会问你现在饮，还是拎走。如果系即时饮，仲会帮你拮埋饮管，服务周到呢～