影片
更多
2004-11-09
70 浏览
真系估唔到牛油果姐姐介绍(好野)一间毫不起眼既街坊茶餐厅,能够做出咁高质素既小菜,就连小弟座旁,对食毫不执著,又无硏究,更加唔知点叫既’山君’都话好,咁就真系无得讲:1) 笼仔蒸海虾糯米饭: 食海鲜就梗系要新鲜,呢味菜既虾真系好新鲜又弹牙,我囝囝食左五,六只都仲话要,但个人认为海虾好似先灼过先然后至放上糯米饭面,因为d饭系生炒糯米饭,唔觉有虾汁系饭中,不过都炒得好干身.易入口,又唔太咸,作为第一道菜食虾先,算合格有余.2) 羊腩煲: 用当归,红枣等药材,以醉鸡锅方法弄制,将羊肉的膻味盖过,而且羊肉炆得极淋,汤味浓郁芳香.3) 家乡鱼汤酿豆卜: 好鲜甜,但太辣,鱼汤鲜甜与羊腩汤各擅胜场,汤料以大豆芽菜同酿豆卜为主,豆香与鱼鲜好配合,不过都系个句~~~~辣!4) 煎封红鱼: 外皮脆而肉嫩,不过又系有d辣㖞,有d怪5) 花雕醉蟹: 蟹好似细d,蟹盖无乜膏,可能流失左,但好香酒味,由老板之前已告诫唔可以将d汁饮左,因为要用嚟炒虾子捞伊面,不过小弟要赶船,无缘一亲,可惜.6) 蒜茸蒸扇贝: 大路,无乜特别7) 菜胆虾胶酿冬菇: 放底既小棠菜可能想淋d,所以煮得发黄,冬菇大小刚好一口咬晒,口感个人
1) 笼仔蒸海虾糯米饭: 食海鲜就梗系要新鲜,呢味菜既虾真系好新鲜又弹牙,我囝囝食左五,六只都仲话要,但个人认为海虾好似先灼过先然后至放上糯米饭面,因为d饭系生炒糯米饭,唔觉有虾汁系饭中,不过都炒得好干身.易入口,又唔太咸,作为第一道菜食虾先,算合格有余.
2) 羊腩煲: 用当归,红枣等药材,以醉鸡锅方法弄制,将羊肉的膻味盖过,而且羊肉炆得极淋,汤味浓郁芳香.
3) 家乡鱼汤酿豆卜: 好鲜甜,但太辣,鱼汤鲜甜与羊腩汤各擅胜场,汤料以大豆芽菜同酿豆卜为主,豆香与鱼鲜好配合,不过都系个句~~~~辣!
4) 煎封红鱼: 外皮脆而肉嫩,不过又系有d辣㖞,有d怪
5) 花雕醉蟹: 蟹好似细d,蟹盖无乜膏,可能流失左,但好香酒味,由老板之前已告诫唔可以将d汁饮左,因为要用嚟炒虾子捞伊面,不过小弟要赶船,无缘一亲,可惜.
6) 蒜茸蒸扇贝: 大路,无乜特别
7) 菜胆虾胶酿冬菇: 放底既小棠菜可能想淋d,所以煮得发黄,冬菇大小刚好一口咬晒,口感个人觉得唔错.
8) 蒜香骨: 又系有d辣,喉咙有开始痛,要收口啦!
其实小菜平均水准合格以上,如果下次有机会再入,又或者牛油果姐姐搅多次(另有独木舟水球半日战,边位写?),我都会有兴趣食多次,因为左右护法系到,战斗力只得一半,结果返到屋企,要食多一碗粥加一碗蕃薯糖水!
后记: 快车真系名不虚传,出菜快如风,唔知系咪惯性d人赶船呢?
张贴