影片
更多
2024-05-02
30 浏览
今日放工想食burger，谂起大坑附近应该有呢类型嘅舖头，就行过去睇吓，见到有一间叫做Number 8 fusion burger 嘅外卖店，所以就买咗以下食物返屋企食喇。水滴煎牛扒堡set ($84)再+$25升级至Mega burger：我升级咗做Mega burger，入边有四大块牛扒，蕃茄片同埋沙律菜。牛扒中带有少少粉红色，仲留到肉汁喺入边。牛味浓郁。油脂比一般汉堡扒少。以呢个牛扒嘅份量，其实系好抵食。汉堡酱汁拣咗芥末沙律酱-酸酸辣辣嘅味道，感觉冇咁油腻。配菜拣咗印尼炸鸡沙律-沙律包括沙角粒，青瓜粒，大量花生碎同埋印尼沙律酱汁。沙角粒好爽脆，青瓜粒味道清新。再配埋花生碎，更添印尼风味。炸鸡即叫即炸，炸皮松脆。饮品拣咗热情果冻茶-酸酸美味嘅热情果味。味道清新。水滴吉列鱼堡tea set($44):两点至六点有tea set供应，好抵食。当然burger size系Mini size，但加埋小食，作为一个tea绝对系够饱。呢个迷你汉堡好cutie！炸皮唔会太厚。鱼肉唔会散修修。汉堡酱汁拣咗芥末沙律酱-芥末沙律酱配鱼肉都系好夹。配菜拣咗炸薯条-薯条加咗辣粉，好惹味。薯条热辣辣出炉！饮
今日放工想食burger，谂起大坑附近应该有呢类型嘅舖头，就行过去睇吓，见到有一间叫做Number 8 fusion burger 嘅外卖店，所以就买咗以下食物返屋企食喇。
水滴煎牛扒堡set ($84)再+$25升级至Mega burger：
我升级咗做Mega burger，入边有四大块牛扒，蕃茄片同埋沙律菜。牛扒中带有少少粉红色，仲留到肉汁喺入边。牛味浓郁。油脂比一般汉堡扒少。以呢个牛扒嘅份量，其实系好抵食。
汉堡酱汁拣咗芥末沙律酱-酸酸辣辣嘅味道，感觉冇咁油腻。
配菜拣咗印尼炸鸡沙律-沙律包括沙角粒，青瓜粒，大量花生碎同埋印尼沙律酱汁。沙角粒好爽脆，青瓜粒味道清新。再配埋花生碎，更添印尼风味。炸鸡即叫即炸，炸皮松脆。
饮品拣咗热情果冻茶-酸酸美味嘅热情果味。味道清新。
水滴吉列鱼堡tea set($44):
两点至六点有tea set供应，好抵食。当然burger size系Mini size，但加埋小食，作为一个tea绝对系够饱。呢个迷你汉堡好cutie！炸皮唔会太厚。鱼肉唔会散修修。
汉堡酱汁拣咗芥末沙律酱-芥末沙律酱配鱼肉都系好夹。
配菜拣咗炸薯条-薯条加咗辣粉，好惹味。薯条热辣辣出炉！
饮品拣咗苹果冻茶- 苹果茶味道清甜，好啱夏天饮。
喺等汉堡包嘅时候，听职员讲佢哋老板嘅妈咪系土生土长印尼人，识整好多印尼料理。而佢哋嘅酱汁除咗芥末沙律酱同埋芝麻酱，其他酱汁全部都系佢哋自己整㗎，仲要唔系用搅拌打烂，而系用石磨去磨。至于佢哋嘅面包都系自家制。咁有heart嘅小店有机会要再帮衬吓先
张贴
