Rang Mahal Authentic Indian Cuisine (已結業)

而家夜晚系中环食间茶记翠X ，都成旧水落楼 ，我心谂 ，倒不如食D有特式少少既南亚菜 。今晚试左呢间印度野 ，地点唔错 ，皇后大道中 近SOHO电梯位置 。间野系二楼 ，一入去 ，有别于重庆大厦式民房营运屋企餐厅 ，呢间野系真系一间餐厅 ，气氛唔错 ，有少少装修 ，灯光仲要几有情调 其实都几岩 dating。一埋位唔使讲野 ，整番支印度啤 。其实 ，唔讲唔知 ，原来印度都有啤酒 ！咁当然都系外资X当地酿制啦 ！唔系点冲出国际啊 lager 野黎 ，易入口 ，清爽解喝， 都系一个几好既体验 ，起马好过上到去俾支生力你， 果下即刻扣五分。坐左阵 ，最开心见唔到香港人 ，见到就大获 。即系代表档野超废 。香港人出名接受唔到新事物 乜差野都要用香港标准去量度 ，做到广东风味先叫好食 ，咁你落附近茶记X华食得啦 ！食足全场只见有印度人帮衬 ，我完全明白呢间餐厅系真系做正宗印度风味 ，否则D 同乡洗鬼黎食咩 ！叫左几道风味野 ，当中以印度咖喱鱼柳最好味 。tikka masala + 薄饼呢D 食法就指定动作，唔使多讲 ，辣味系几够 ，奉劝唔食得辣既朋友仔记得叫多两支印度啤酒。烧羊架唔错