正宗印度餐廳及酒吧 (電氣道)

营业中

休息中

好耐冇食印度菜， 非常怀念印度烤饼同埋乳酸饮品， 所以今日专登上网摷下边度有印度菜食，见到呢间嘅食评都唔错，大部分都赞好，于是两个人胆粗粗揾上门， 喺门口见到个餐牌都几吸引， 于是就坐低一试，中午时分人很少，店员姐姐态度殷勤 ，识少少中文 ，介绍我哋食呢样𠮶样，餐厅装修得好有特色， 满布印度装饰品和图画，电视都播住关于印度嘅画面， 感觉上系好地道。我哋为咗食烤饼同乳酸饮品而来， 当然就要点呢两样， 首先点咗两款烤饼 ，牛油烤饼同蒜蓉烤饼各一， 芒果乳酸饮品两大杯， 跟住就系主食， 拣咗炸咖哩羊肉角， 蘑菇鸡， 本来拣咗印度炖羊肉， 点知搞错咗， 上咗个牛油烤鸡 ，一唔觉意食咗 ，咁就算啦。 变咗两个菜都系鸡， 有时唔系好明， 餐厅得两三枱客， 加埋得五个人， 落单点菜都会搞错， 幸好烤饼同乳酸饮品都符合我们的预期， 非常好味 ，制作出色， 烤饼系现烤 ，整得香脆烟韧 ，蒜蓉烤饼仲有啲芫茜香葱 ，特别好味。 芒果乳酸饮品好杰好香 好大杯， 超好饮。 虽然价钱唔平 ，48蚊一杯， 但物有所值。 烤饼同乳酸饮品都值得推荐， 另一样要赞嘅， 就系餐前小食， 薄脆筒加四款酱料， 薄荷，蒜蓉，辣椒