影片
更多
2020-11-16
485 浏览
话说呢年食多咗印度菜🇮🇳，发觉自己都几钟意食。上网见到湾仔「Jo Jo Indian Cuisine」有自助餐食啵，就试下啦。Openrice可以订枱，不过单点先有折，自助餐无。一去到我哋都几Surprised，因为爆哂棚Full House，好彩门口仲有张枱，过多十五分钟，直头要等位😳。餐厅真系有好多印度同胞帮衬，即刻感觉正宗，当然亦不乏香港人。周末中午自助餐Weekend Brunch Buffet承惠$168一位，另收加一服务费。我觉得唔算贵，我之前喺其他印度餐厅点一份咖哩都要$9X。呢度系任食之余，最重要系可以食多几款口味✌🏻 。放食物嘅位置有一个「L」形嘅餐枱，以及有另一张长枱仲有师傅坐阵，选择几丰富👍。不过有时望见啲食物，虽然已经有牌介绍，但我都唔太清楚系乜嚟，直接食咗先讲🙈。我出去夹咗两转，首先有类似前菜部份嘅Papadum(脆脆薄饼)，可以自选几款酱。另外亦有各款咖哩，我自己最钟意Goan Prawn Curry(咖哩虾🍤)。第二碟食咗Goan Subj Dum Briyani(印度炒饭)，米粒偏长身，而且好入味🤤。今次拎多啲酱嚟点薄饼！其中一款偏红色嘅咖哩好辣🌶(图中
话说呢年食多咗印度菜🇮🇳，发觉自己都几钟意食。上网见到湾仔「Jo Jo Indian Cuisine」有自助餐食啵，就试下啦。Openrice可以订枱，不过单点先有折，自助餐无。
一去到我哋都几Surprised，因为爆哂棚Full House，好彩门口仲有张枱，过多十五分钟，直头要等位😳。餐厅真系有好多印度同胞帮衬，即刻感觉正宗，当然亦不乏香港人。
周末中午自助餐Weekend Brunch Buffet承惠$168一位，另收加一服务费。我觉得唔算贵，我之前喺其他印度餐厅点一份咖哩都要$9X。呢度系任食之余，最重要系可以食多几款口味✌🏻 。
放食物嘅位置有一个「L」形嘅餐枱，以及有另一张长枱仲有师傅坐阵，选择几丰富👍。不过有时望见啲食物，虽然已经有牌介绍，但我都唔太清楚系乜嚟，直接食咗先讲🙈。
我出去夹咗两转，首先有类似前菜部份嘅Papadum(脆脆薄饼)，可以自选几款酱。另外亦有各款咖哩，我自己最钟意Goan Prawn Curry(咖哩虾🍤)。
第二碟食咗Goan Subj Dum Briyani(印度炒饭)，米粒偏长身，而且好入味🤤。今次拎多啲酱嚟点薄饼！其中一款偏红色嘅咖哩好辣🌶(图中左前)，就系Chicken Vindaloo，系几好食，但真系辣，上网查完先知"Vindaloo"系指辛辣。
另外有啲食物系由店员送上，甚至系师傅即场整👨🏻🍳。Naan(印度烤饼)就系由店员热辣辣送上，一篮有四件，口感够烟韧，但略嫌油咗啲。
Dosa
15 浏览
0 赞好
0 留言
跟住要介绍系类似汉堡包嘅Keema Pav🍔，面包用上细餐包以夹住大量馅料，例如洋葱、青椒同蕃茄碎等。中间夹住嘅肉一丝丝，有啲似手撕肉嘅感觉，问完店员后先确定系羊肉。
Pani Puri
37 浏览
0 赞好
0 留言
Kesari Rasmalai
10 浏览
0 赞好
0 留言
自助餐包一人一杯饮品，我哋要咗🥭Mango Lassi(芒果奶昔)同🍋Lime Soda(青柠梳打)，两杯都大大杯，味道唔错。
总括嚟讲，呢餐印度自助餐系一个非常好嘅体验，我未必每样嘢都啱食，甚至唔系好清楚佢系乜。不过正正因为系自助餐，我能够一次过试多啲印度嘅菜式，平日单点我多数都只系食咖喱或者薄饼等，唔会嗌小食。今次真系大开眼界，亦都大饱口福😆。
张贴
