Rasoi 傳統印度菜 (已結業)

香港虽然细 但胜在咩国家菜都可以系到揾到！上星期朋友带我地到大角咀叹正宗印度菜 餐厅由厨师到侍应都系印度人 全程要用英文同佢地沟通！可能怕我地食唔惯 佢地会周不时关心我地点既菜式啱唔啱食每枱都会送上开胃餐前小食 薄饼数量按人头俾！新鲜薄饼烤到好脆 有三款酱俾你蘸黎食（其实食完都食唔出系咩酱😂）但好彩唔系全部都辣 个人推介绿色酱 唔辣之余几开胃！正宗印度烤鸡：虽然一上菜闻到好重香料味 但有趣地食落又唔多觉 呢点觉得相当有惊喜！另外肉质鲜嫰并附有肉汁 而且所有鸡骨都被去掉 所以可谓啖啖肉！印度咖喱鱼：侍应特别向我地推介呢款人气之选！可能要迎合港人口味 所以呢款咖喱偏甜 送白饭一流！除此之外食得出有阵阵椰香味 但又唔会盖过鱼块既鲜味乳酪烤饼：印度菜馆才有嘅新鲜乳酪烤饼一定要试！除咗乳酪 应该仲有鸡蛋同葱丝做材料 摸上手有d油 口感烟靭松软 层次一流！唔洗额外蘸酱味道都好足够