Rang Mahal Authentic Indian Cuisine (已結業)

中环人应该都有听过呢间印度餐厅食lunch buffet $88好抵食，我都系其中一个。今晚上黎食a la carte menu，好好感受呢度晚市平静既氛围。夜晚呢度人无中午咁多，多一份平静，适合约朋友倾偈。上黎之前上餐厅网站睇左个menu先，所以坐低好快就决定食乜。呢度大把唔辣既选择，好多适合香港人口味既菜式。等上菜时有开胃小食。10分钟之后就上菜。 Paneer Palak ($88) 芝士烩菠菜茸 - 蔬菜类都可以整到好似咖哩咁，加上一粒粒茅屋芝士更添口感。Chicken Makhani ($118) 椰汁咖喱鸡 - 椰汁浓郁，带甜味，鸡嫩滑，唔会好似平时印度咖哩鸡咁干。Naan ($25) 烤饼 - 口感正常，不过如果两个人食最好叫多份。Lassi Mango ($48) 芒果乳酪特饮 - 呢度得两款饮品，lassi或lime soda，我地拣左lassi，果然无拣错，好好饮，比较浓厚同结身，好似饮左个芒果布甸咁，特别要求唔好落额外糖，甜度果然啱啱好，出到最自然既芒果味，乳酪加芒果，感觉健康。