印度美食風味屋 (已結業)

系金百利商场市集收档后就上左楼上揾食，冇得去印度旅行就食住印度野先去到都差唔多9点所以无咩人，由于waiter同煮既都系同一个人，所以佢都好忙，不过服务态度都好好。我地叫左Dahi Puri (乳酪炸米饼粒) $58，芝士咖哩，鹰嘴豆咖哩，炒通菜$78，咖哩角同3款薄饼 (Masala Naan, Paratha Naan)第一份到既系乳酪炸米饼粒，太肚饿冇影到相就食左，系一块块圆形饼加左鹰嘴豆同乳酪，酸酸地加埋系几好食，但饼有少少硬唔松脆。芝士咖哩(左)，鹰嘴豆(右)卖相差唔多。炒通菜偏咸，都几重味。3款Naan放埋系同一个蓝度。其中有款Naan炸到有d硬...咖哩角系完全啱啱炸好就上，热到烫口，正！本身咖喱角炸完皮比较厚有d干，加左3色酱汁加落咖喱角度就好好食，酸芒果?!酱食落酸酸甜甜好开胃。环境坐得几舒服，但食完成身油烟味，千其唔好著吸味既衫去。由于本身钟意重味野，但有d都偏硬同重味，整体都算ok，加埋酱料就好好食。