正宗印度餐廳

营业中

休息中

时间仲早，夜晚六点几，就睇下Exx App 有咩正野，见到呢间有半价就黎试试。餐厅布置几有气氛，有一面落地玻璃，可以望出街景。一坐底职员就即刻比手巾同碟餐前小食薄脆，仲比只暖碟我地食野，好贴心，而且佢地几个侍应都好有礼貌。今次叫左三样野，半价后，大约每人$80，真系物超所值。我地食左无耐就已经全场坐满，仲要好多都系南亚裔，相信呢间都做得几正宗。薄脆饼 Free好香好脆，有少少咸味，会连埋三碟酱比你，有甜酸酱、薄荷酱同腌菜，甜酸酱几好，唔太酸，而个薄荷酱就比平时既味道啖D，薄荷味无咁劲。羊肉咖啡角 $48个馅有好多羊肉，仲有青豆同香料系到，肉味浓，但又无乜膻味，而且，唔会太咸，馅料味道好好，而个皮就可以再焗耐少少，干身D令酥皮松散D。咖喱鸡 $108甜味较重，食到好多椰丝，怕辣既人岩哂，唔辣，而鸡肉好嫩，都有6旧左右，仲要无骨，食得好方便。羊肉炒饭 $118分量都几多下，而且都有好多粒羊肉，仲要好淋好香，饭够一粒粒，但又唔会干净净，配埋咖喱食真系一流。