Tulsi & Wine (已結業)

系西营盘返工既我，平时附近真系无乜好食，正宗美食沙漠，不过近排同事发掘到附近有新既餐厅开张，唔系普通港式茶餐厅咁简单，仲要系比较特色既印度菜，中意试新野既我地，一于黎试试，我地叫左以下菜式：1. Chicken Tikka 印度烧鸡呢道菜式用铁锅盛载，刚烧热既铁锅载住新鲜烧好既鸡件，所以上菜既时候仍然keep一定热度，而且令鸡件既香料味散发得更淋漓尽致，一上菜印度香料香气十足，而食落去鸡肉都颇嫩滑，而且无骨啖啖肉，值得一试。2. 杂菜炒饭呢个炒饭配料系栗米绿豆等杂豆，加上唔太辣既咖哩香料，饭炒得略为有点干身。3. 蒜蓉烤饼烤饼烤得非常到位，唔会太干，唔会太油，饼内仍然保持适当既烟韧度，基本上即使唔点其他酱汁都唔会觉得好dry而无味。4. 芒果lassi呢杯芒果奶昔芒果味好够，唔会太甜同酸，饮落有淡淡牛奶同酸乳酪味道，味道不俗