磅太太 (已結業)

之前睇电视介绍过，今日唔打唔撞行到呢到，咁啱有对情侣行过，女嘅问间铺咁得意嘅？男嘅话做印章㗎？听到马上望吓，即刻话比对情侣知系餐厅黎，讲完就忍唔住入去试吓。入内见到装修有点外国mix中国风，初初以为全部竹星员工，就用咗有限到嘅英文沟通，跟住店员都顶唔系顺我d难英文，问我系咪香港人，之后就好开心咁同我讲返中文。唔系太肚饿，问店员有冇好介绍，佢就推介我试炸牛油果，外脆内软，口感非常好，配上貌似千岛酱，但有点少少辣，带出牛油果嘅香味。食到最后见到有少少油，同店员倾完之后先知原来系糖浆。再叫咗杯berry ginger (唔知有冇记错名), mix咗士多啤尼，蓝莓，姜啤，仲有一样唔系咩。入口清新，又唔系成杯个汁样，真系会忍唔住再叫杯。