影片
更多
2016-08-01
411 浏览
依间餐厅食过几次觉得唔错，亦介绍唔少人食，食物份量大又足料，但经过㖊日件事我以后都唔会再去。其实件事本身好简单，只喺少事化大咗。首先我哋一行六人去食，咁就有个叫咗8004套餐，配薯菜，发现畀错配料，畀咗白饭，咁就同侍应讲，但侍应就拎走咗我哋白饭冇畀返薯菜，咁就同返侍应讲，之后有个应该喺经理或店长嘅人走嚟话有畀薯菜起哂底，我阿哥个fd就掀起个扒但确实喺冇畀到，咁我哥个fd就有少少激动话「你哋畀白饭我，即刻冇哂薯菜咁话？」，之后个经理/店长佢未搞清楚件事，就话「薯菜起哂底，识我嘅人都知我份人喺点，有咩事我负责」，咁我哋当时坐路中间个大圆台，左边四人卡位咁啱𠮶两个客就走。之后个经理/店长就命令式口吻叫我妈：「起身」我妈：「下？」经理/店长：「你起身」之后我妈起身，然后佢就将将圆台同隔离个卡位泊埋之后我哥就话：「好串㖞」经理/店长：「唔喺串」我哥：「你依家用命令式口吻叫我妈起身，你同我讲唔喺串？唔该都冇声」我哥想开佢拖㗎啦，喺佢朋友噤住佢先冇事成件事好简单，喺个经理/店长未搞清楚件事，其实只要畀返个薯菜就咩事都冇，我知返茶餐厅压力大辛苦，但你冇唔该至少都应该道下歉，如果佢好好语气话「唔好意思，
其实件事本身好简单，只喺少事化大咗。
首先我哋一行六人去食，咁就有个叫咗8004套餐，配薯菜，发现畀错配料，畀咗白饭，咁就同侍应讲，但侍应就拎走咗我哋白饭冇畀返薯菜，咁就同返侍应讲，之后有个应该喺经理或店长嘅人走嚟话有畀薯菜起哂底，我阿哥个fd就掀起个扒但确实喺冇畀到，咁我哥个fd就有少少激动话「你哋畀白饭我，即刻冇哂薯菜咁话？」，之后个经理/店长佢未搞清楚件事，就话「薯菜起哂底，识我嘅人都知我份人喺点，有咩事我负责」，咁我哋当时坐路中间个大圆台，左边四人卡位咁啱𠮶两个客就走。
之后个经理/店长就命令式口吻叫我妈：「起身」
我妈：「下？」
经理/店长：「你起身」
之后我妈起身，然后佢就将将圆台同隔离个卡位泊埋
之后我哥就话：「好串㖞」
经理/店长：「唔喺串」
我哥：「你依家用命令式口吻叫我妈起身，你同我讲唔喺串？唔该都冇声」
我哥想开佢拖㗎啦，喺佢朋友噤住佢先冇事
成件事好简单，喺个经理/店长未搞清楚件事，其实只要畀返个薯菜就咩事都冇，我知返茶餐厅压力大辛苦，但你冇唔该至少都应该道下歉，如果佢好好语气话「唔好意思，麻烦畀我泊一泊将台去隔离，等条路冇咁迫畀人行」其实就唔会发生咁嘅事，我觉得佢应该要好好反省下，自己喺咪应变能力唔够喺咪有资格坐依个位呢，依件事搞到成间餐厅啲人都望住我哋，最后亦都冇畀返薯菜。
张贴