影片
更多
2021-02-12
1753 浏览
❀ 厨魔 #湾仔 ❀❗️印象最深米芝莲二星 香港怀旧味道分子料理❗️——————————————————圣诞节嚟到呢间位于湾仔嘅米芝莲二星餐厅庆祝(拖延症发作)，每道菜都十分有水准，食到赞不绝口，到而家依然系我心目中暂时最出色嘅米芝莲餐厅，超级极度大力推荐💖大厨Alvin Leung擅长用高超嘅技术将香港味道以分子料理呈现，每道菜都超乎所想，定期会更换主题Menu，而当时当然就系以圣诞作为主题🌟。.餐厅只有一层，装修感觉较为新派，但又夹杂着一啲古旧嘅画作装饰，碗碟方面都保留传统中国嘅设计，亦喺唔少细节保留咗香港嘅特色 e.g.狮子山嘅轮廓🤩。.本身拣咗午市五道菜$800，但可能因为当时冇晚市，职员当日同我哋讲只要加$400就可以食到13道菜嘅晚市Menu，原价$2380，见到咁抵即刻转咗做晚市Menu，好彩有转咗，真系非常出色❣️！.开始前，侍应会用香港第一个本土化妆品品牌双妹唛花露水倒落纸巾上供你抹手，fancy得来有回应咗怀旧香港嘅主题☺️之后每上一道菜，侍应都会作详细介绍，有别于我对分子料理嘅理解，并唔系单单烟、泡，而系用精湛嘅技术，将平时熟悉嘅味道以新奇嘅外貌呈现，同时间令到味道更加升
❗️印象最深米芝莲二星 香港怀旧味道分子料理❗️
——————————————————
圣诞节嚟到呢间位于湾仔嘅米芝莲二星餐厅庆祝(拖延症发作)，每道菜都十分有水准，食到赞不绝口，到而家依然系我心目中暂时最出色嘅米芝莲餐厅，超级极度大力推荐💖大厨Alvin Leung擅长用高超嘅技术将香港味道以分子料理呈现，每道菜都超乎所想，定期会更换主题Menu，而当时当然就系以圣诞作为主题🌟。
.
餐厅只有一层，装修感觉较为新派，但又夹杂着一啲古旧嘅画作装饰，碗碟方面都保留传统中国嘅设计，亦喺唔少细节保留咗香港嘅特色 e.g.狮子山嘅轮廓🤩。
.
本身拣咗午市五道菜$800，但可能因为当时冇晚市，职员当日同我哋讲只要加$400就可以食到13道菜嘅晚市Menu，原价$2380，见到咁抵即刻转咗做晚市Menu，好彩有转咗，真系非常出色❣️！
.
开始前，侍应会用香港第一个本土化妆品品牌双妹唛花露水倒落纸巾上供你抹手，fancy得来有回应咗怀旧香港嘅主题☺️之后每上一道菜，侍应都会作详细介绍，有别于我对分子料理嘅理解，并唔系单单烟、泡，而系用精湛嘅技术，将平时熟悉嘅味道以新奇嘅外貌呈现，同时间令到味道更加升华🔥！
.
✷𝑀𝑒𝓃𝓊✷
☞ Truffle and Caviar Feast 2020 $1200pp (discounted, original $2380)
因为佢哋嘅Menu会定期转换，所以我当时食到嘅款式同而家嘅不尽相同，只供大家参考。
♥ Child’s Play
虽然系头盘，但应该亦系佢哋最signature嘅一款🌟！
以儿时玩意作为主题，有棋类、「鸡蛋仔」等，一见到仲以为系几道唔同嘅菜式，点知原来都系child’s play，好抵食！
分别有包住南乳鹅肝嘅糯米糍、脆炸火鸡皮包姜粉火鸡内脏、腐乳味雪糕配爽口辣梨、脆皮鱼子、辣味泡芙、一口爆汁小笼包。
全部味道都非常新奇，但又非常夹，多种层次喺口腔度爆发出嚟真系好出色😆！
Child’s play
86 浏览
0 赞好
0 留言
.
♥ Oyster in Red
有趣嘅一点系佢哋会摆成樽女儿红伴碟，冇实质嘅用途，但增添少许玩意🤣。
用上爽滑法国珍珠蚝，配红桑子酱、蕃茄清汤及女儿红制成嘅冰粒，酸酸甜甜，凉凉地，极度清新，非常高质嘅开胃前菜☺️！
Oyster in Red
97 浏览
0 赞好
0 留言
.
♥ Soul Food
卖相相对简单但系我其中最爱嘅一道💕！
极度嫩滑嘅银鳕鱼，包住好香嘅黑松露鹅肝，入口即溶，系我暂时食过最出色嘅鹅肝🥳。
再配上黑松露片、淮山片，最后以酱油昆布汁调味，味道一流！
Soul Food
92 浏览
0 赞好
0 留言
.
♥ White Christmas
进化版日本流心蛋🍳！
用带子制成薄衣，一切开，啲蛋酱涌现出嚟。
配上西藏黄牛芝士汁、白松露，系个味道相对香浓嘅一道🧀。
觉得呢个相对冇咁出色，个芝士汁有啲腻，同普遍嘅芝士酱差唔多。
White Christmas
37 浏览
0 赞好
0 留言
.
♥ King Abalone
唔系原只鲍鱼，而系切片咁😯。
配上一大堆鱼子酱，鲜味十足。
最正系pat绿豆蓉，绿豆同牛油各占50%，香滑到不得了，比起一般薯蓉更出色🥰！
Kong Abalone
255 浏览
0 赞好
0 留言
.
♥ Christmas Spirit
将外国mulled wine嘅概念带入，但用上本地gin🍺。
自己一向唔好饮酒，所以唔太识评论，但系都算几易入口，甜甜地几好饮。
Christmas Spirit
148 浏览
0 赞好
0 留言
.
♥ Chinese Santa Sleigh
用上鹿肉制成嘅慕丝，真系第一次食😳。
打到溶烂，唔会食到鹿肉嘅口感，相反有少少似鹅肝。
加咗粒甜甜地嘅红菜头波、蘑菇，成个配搭非常特别！
Chinese Santa Sleigh
125 浏览
0 赞好
0 留言
.
♥ Beef in a Manager
算系咁多道菜当中相对普遍，但烹调出色。
用澳洲和牛，系真系入口即溶🤯！
配上虫草花、牛肉烧汁，令到牛味更加突出。
Beef in a manager
80 浏览
0 赞好
0 留言
.
♥ Left Over Turkey
最后一道咸食，系个粟米芦笋火鸡汤饭，相对普通🙈。
不过店员会即席刨鲍鱼片干，为个汤饭增添少少鲜味。
.
♥ North Star
终于嚟到甜品，其实已经极度饱😂。
觉得甜品整体冇咸食咁突出，但都好好味。
首先系白桃sorbet，配杨桃脆片、杨桃粒，清新解腻。
North Star
58 浏览
0 赞好
0 留言
.
♥ No Shark Fins
跟住系用啫喱条制成嘅伪鱼翅甜品。
味道主要为南北杏汁，略嫌有啲似杏仁霜嘅味道，自己唔系太接受到🙈。
No Shark Fins
49 浏览
0 赞好
0 留言
.
♥ Birth of the Messia
呢个好食到不得了😍！
自己本身都好钟意食面包布甸，呢个系一个升华版本。
可爱地用baby food樽装住，内里系加入咗Rum酒嘅面包布甸，仲有焦糖、提子干、松子仁。
暖粒粒咁呈上，好味到冇得顶😆！
Birth of the Messia
77 浏览
0 赞好
0 留言
.
♥ True 8
最后呢个同第一个有啲似。
不过今次就系车厘子泡沫，再配上甜醋酿梨、栗子白酒，同一块富有圣诞节气息嘅印度茶饼。
自己对于呢啲一少pat嘅甜品冇乜太大嘅喜好😶不过个车厘子味道唔假，而且口感嘅层次都丰富。
另外亦呈上咗一樽甜醋做装饰，都几搞笑。
True 8
78 浏览
0 赞好
0 留言
——————————————————
✨整体味道: 4.9/5
✨环境装修: 4.2/5
✨服务态度: 4.5/5
✨性价比: 4.8/5 (discounted)
✨再访兴趣: 4.3/5
.
💞整体来讲
真系超级好味，每道菜都极有惊喜，个中味道、口感嘅层次非常丰富，成个Menu就好似呈现紧一个故事咁，系我暂时最爱嘅米芝莲餐厅💖而且好欣赏餐厅坚持保留香港传统嘅味道，亦用上好多香港传统特色物品，但同时间又加入咗大厨自己嘅创意，非常有心思，极度推荐大家要试！
张贴
