影片
更多
2021-04-16
774 浏览
之前住系粉岭，难得揾到间cafe，试过佢哋嘅 All Day Breakfast 同咖啡后便爱上，所以即使宜家搬咗去马鞍山，我同老公都会专登揸车返去帮衬😆先讲讲佢哋嘅食物，我钟意佢哋有多款All Day Breakfast 选择，觉得佢哋嘅牛角包同炒蛋好出色，尤其个炒蛋，够晒滑！配埋啲猪柳，肠仔，乳酪等就啱啱好！每个餐大概$5x - $6x, 真心抵。然后就系我最钟意嘅咖啡！佢哋𠮶度好多选择，好多出面试唔到嘅，例如乳酪咖啡，梳打咖啡，我好钟意饮咖啡，所以佢哋嘅咖啡，真系好吸引我！今次我饮嘅系热香橙脆脆咖啡，好正。见度有啲人评价𠮶度嘅2位店员（或者系老板？），我都想分享自己经历。首先利申：我唔识佢哋，亦非打手。𠮶度2位店员，由我第一次帮衬，已经感觉到佢哋系无咩表情，讲野无tone ，可能会易得罪客人， 但我觉得咁又唔代表无礼貌。之前一直对佢哋无感觉，只系觉得我有我享受咖啡，你有你serve, 就系咁简单。直到有一次，我同老公食完起身去埋单，点知后面有人想打针比钱，店员就一贯无tone嘅语气叫佢哋要排队，𠮶刻我开始留意呢2位店员，觉得佢哋唔系无礼貌，只系咩都要讲规矩。另外有一次，我记得我哋
先讲讲佢哋嘅食物，我钟意佢哋有多款All Day Breakfast 选择，觉得佢哋嘅牛角包同炒蛋好出色，尤其个炒蛋，够晒滑！配埋啲猪柳，肠仔，乳酪等就啱啱好！每个餐大概$5x - $6x, 真心抵。
然后就系我最钟意嘅咖啡！佢哋𠮶度好多选择，好多出面试唔到嘅，例如乳酪咖啡，梳打咖啡，我好钟意饮咖啡，所以佢哋嘅咖啡，真系好吸引我！今次我饮嘅系热香橙脆脆咖啡，好正。
见度有啲人评价𠮶度嘅2位店员（或者系老板？），我都想分享自己经历。
首先利申：我唔识佢哋，亦非打手。
𠮶度2位店员，由我第一次帮衬，已经感觉到佢哋系无咩表情，讲野无tone ，可能会易得罪客人， 但我觉得咁又唔代表无礼貌。之前一直对佢哋无感觉，只系觉得我有我享受咖啡，你有你serve, 就系咁简单。直到有一次，我同老公食完起身去埋单，点知后面有人想打针比钱，店员就一贯无tone嘅语气叫佢哋要排队，𠮶刻我开始留意呢2位店员，觉得佢哋唔系无礼貌，只系咩都要讲规矩。另外有一次，我记得我哋未等到食物就除低口罩，佢哋9秒9面无表情地叫我哋戴返口罩，可能一般人会觉得无礼貌，但我哋反而觉得佢哋都系想保障大家，又系想大家守规矩。
就系因为佢哋咩都直肠直肚，唔怕得罪客人，令我同老公更欣赏😂 反而每次返去帮衬，我会专登撩佢哋讲野，赞佢哋啲食物，想睇下佢哋逼于无奈要回应我哋嘅表情😆
我哋真心钟意呢间餐厅，觉得宜家愈黎愈难揾到呢啲真性情嘅小店，重点咖啡真系好正🧡
51 浏览
0 赞好
0 留言
张贴
