瀟灑哥 (已結業)

经过旺角，唔想又系食炸鸡鱼蛋烧卖果啲，所以今次系街尾果边开始行。行到登打士广场隔离见到一间铁板小食叫潇洒哥。见到佢煎紧牛好香但佢有好大个牌卖玉子烧都好吸引，所以我冇叫铁板小食。玉子烧应该都系招牌菜... 我前面都有个女仔叫，等左两三分钟左右，唔算好耐就有个热辣辣嘅玉子烧喇。我拣左明太子味(佢本身仲有个粟米味)，入面仲有芝士同粟米。上面就有蟹籽同木鱼丝紫菜。我食果阵仲有少少拉丝效果! 暖笠笠有足料，好好食