食意 (已結業)

深水埗出名多地道野食，但想食西式餐厅选择就少之又少。早前听朋友讲过有间手作意粉，趁得闲d就去试左，位置唔难揾，就系大街对住大马路。装修好靓，好新净，服务员都好好笑容，知道我地book左位，突登拣张静少少既枱俾我地。主要系想佢既pasta，首先拣左黑松露野菌忌廉汁手扭面，服务员介绍手扭面既由来，话系以前外国监狱既人发明既，非常有趣。价钱系呢区算贵，但系质素黎讲系超水准，手扭粉非常弹牙，黑松露味十足。令我想试埋其他pasta!美国黑安格斯黑醋酱，服务员介绍系慢煮煮成，我地叫左medium rare，见到中心仲系粉粉的，食落口就知呢间餐厅有几用心，完全唔系快餐店求其煎两煎既水准。另外护心肉配黑醋酱系好夹，餐厅用料用心。见到门口有牌写住有today’s special，好奇心驱使底下叫左意式罗马茄煮鲈鱼，一开始叫既时候，服务员有同我地讲因为食物即叫即做，所以要半小时既等待。好味有诚意既食物，又怕咩等耐少少呢。整条鲈鱼浸游系茄汤之中，鲈鱼系餐厅每朝新解买番黎既，鲜甜又无咩骨，我朋友平时唔食鱼都食左半条！