陳漢記 (已結業)

陳漢記煲仔飯都幾出名，佢一直keep住水準都唔錯，全部煲仔飯都係即叫即煲，新鮮熱辣，飯焦多少就睇你淋豉油嘅時機同方法。鍾意佢嘅飯有砂煲獨特嘅香味，暖笠笠。公司臘味煲仔飯 $50我覺得臘味係煲仔飯嘅靈魂，食親煲仔飯都一定要有臘腸或者臘肉，呢個煲仔飯將臘腸臘肉剁碎鋪係飯面明火煮，每粒米都有臘肉香味，但係獨孤一味，所以味道都比較單調同濃味。黃鱔滑雞煲仔飯 $69黃鱔冇乜骨，肉質幾彈牙，都算嫩滑又唔腥，而且份量都ok。但係d 滑雞就差d 啦，好孩好老，白雪雪，好明顯係雪雞，唔好味，而且份量唔多，仲要冇幾舊擺得入口，下次都唔會揀雞。