在蘭州

营业中

休息中

西九的美食广场真系百花齐放，基本上咩类型嘅食物都有，如果有选择困难症就真系唔知要行几多个圈先决定到，哈哈。是日同朋友一齐黎，佢一早已经决定左食呢间兰州牛肉面，佢话之前食过好食要再黎㖞。落完单就有个牌仔等佢响，坐远少少都收到嘅，毕竟个food court咁多人好难揾到张近嘅枱。野食好快就做好，点左老坛酸菜牛肉面同香菇肉末炸酱面。先讲下自己点呢个酸菜面先，上面见到一大堆酸菜，仲有大量芫荽同葱，卖相几吸引㖞。汤底鲜甜，要左小辣啱啱好，大啖饮汤都唔会呛喉。面条拣左粗面，咬落有口感，即叫即拉果然系唔同啲。牛肉有好多片，半肥瘦，食落有牛油嘅甘香，好有牛味㖞。朋友碗拌面都几靓仔，炸酱下得很多。有肉末，香菇同豆腐干等混合成，调味咸香，朋友都系叫左小辣但完全唔辣，下次可以用手啲叫个中辣，哈哈。面条是幼面，同样有咬口，但个人就喜欢粗面多啲了。拌面送汤一碗。仲加左饮品，一支乌龙茶同雀巢咖啡。饮品都几多得拣，平时通常得汽水嘛，连保矿力同巢啡都有真系几出奇，哈哈。四十蚊就有碗咁好食嘅面，唔怪得朋友黎食完又食啦。