串 (已結業)

佐敦一间做晚市串烧店， 即叫即整，用料十足，味道浓沃。蒜蓉大扇贝 $58大大粒扇贝烧得好靓，唔会烧得太干，仲会有蒜蓉汁浸住粒扇贝，成粒扇贝连埋啲汁食落口， 蒜蓉味香浓，扇贝肉弹牙，好好味。蒜蓉牛油金针菇/蒜蓉娃娃菜 $28/$26用了十足，未食已经闻到好香既蒜蓉味，而且大大份，两个人分都够食，菜同菇煮得软淋，好易咬。烧茄子 $38比我想像中大条好多，同样够两个人分，调味粉好似唔使钱咁落咗好多，铺满晒成个面，十分惹味，应该有落少少辣椒粉或者七味粉， 钟意食辣既人应该会钟意。香草羊架 $48正常一支骨厚切羊架，食落会话太骚，调味调得几好食，肥瘦分布适中，有咬口。秘制猪颈肉 $24大细适中既厚切猪颈肉，一啖食落口啖啖肉，肉质软淋，带有少少咸味，好食。牧然鸡中翼/盐烧鸡全翼 $20/$16鸡翼外皮烧得微焦，略带香脆，唔会整得过熟，里面仲带有肉汁，鸡肉嫩。牧然粉味道突出，钟情于牧然粉嘅一定要试。盐烧都ok，咸味适中。盐烧鸡软骨/鸡皮 $14/$10正常串烧，鸡软骨易咬碎，鸡皮滑，咸味适中。