古早味台灣原味 (已結業)

好耐冇黎食，今日想食台湾野，古早味不二之选。水准一d都冇退步！1.凉拌黄瓜黄瓜非常爽脆，好fresh, 而味道带麻辣，却又麻辣得好轻，可说是麻而不辣，食落好过瘾好开胃。而杞子带甜味，中和麻辣味，且味道更多一层次。2.酥炸盐酥鸡盐酥鸡即叫即整，上碟超热腾腾。炸得非常松脆！。盐酥味好香，又唔会太咸，鸡肉入味刚刚好。鸡都算滑。要趁热食，摆冻左口感味道会差好远。3.柠檬冬瓜爱玉饮（冰）爱玉饮几好饮，甜味渗透住冬瓜味，柠檬微酸更有层次。爱玉好似啫喱咁用饮桐啜落口好味。饮品都够冻。4.新竹贡丸汤贡丸汤好热。饮落口全身暖晒，有少少药材味，好暖身保身。贡丸大大粒，口感好好，结实啖啖肉，猪肉味香浓。5.干贝樱花虾荷叶饭成个饭布满楼花虾，脆口。糯米饭唔会太咸但都够味。饭中有少量冬菇粒，真系好少。仲有少量厚火腿。饭中亦有少量虾米。干贝就其实只有中间一粒。干贝味浓，系好食，但太干身。糯米饭底同埋边较硬唔多好食。整个饭量超大，两个人食唔晒咁多野。不能不提服务真系好，职员不停主动过黎加水，行完街口渴唔使怕。