潮福蒸氣火鍋 (已結業)

喺深水埗行完街，买完电子产品，就拣咗间餐厅食饭。其他小店就帮衬得多，酒家酒楼啲类喺深水埗就第一次食。呢度主打系食蒸气火锅，但因为时间唔系好充裕，所以就叫咗几个小菜食。海蜇拼烟熏猪蹄份量都几多，海蜇好爽脆，熏蹄嘅味道就比较淡。沙拉骨应该系即叫即整，非常新鲜。一字骨炸完之后再捞埋啲酱汁，食𠮶时咬落去仲系脆既，好适合送饭。鱼香茄子煲味道唔错，但食到底就会偏咸。煲仔菜嘅保温程度非常之高，食完成餐饭，最咪食净果两旧茄子都好热辣辣，冬天叫非常之唔错。乳鸽都系即叫即炸，个皮脆卜卜，入边啲肉好嫩滑。