一漁外賣壽司 (已結業)

年近岁晚疫情转趋严重，保障自身安全加上又嚟冇晚市堂食，相信买外卖然后返屋企慢慢食，确实不二之选。行经呢间位于天水围的「一渔外卖寿司」，见佢都干净衞生，十分企理。于是即管睇吓佢个餐牌啦。估唔到呢间外卖店食物选择好多，除了寿司刺身，更有饭丼、鸟冬、及各种不同小食等等。而且最紧要系，目测店铺寿司吾系一早整定，而系即叫即做，更加感觉良好。至于价钱方面都很大众化，以外卖寿司来说性价比十分高。立即决定一于试吓，最后点了一件火之恋寿司，另加七款寿司及两款军舰，共19件寿司埋单总数只系$170，计落平均一件都唔使十蚊，认真抵食。我最爱油甘鱼，所以一次过试晒油甘鱼及油甘鱼腩，鱼腩特别肥美，十分鲜甜。另一本人至爱，系炙烧左口鱼寿司，经火炙烧过鱼油香更突出，一啖放入口，满口鱼油甘甜，真系齿颊留香。呢两款特别推介要试。整体寿司全部都卖相不错，而且都新鲜大件，抵食又好味。大家有机会要去试吓啦。