齊柏林熱狗店 (灣仔道) (已結業)

呢个礼拜返番公司，所以就响湾仔揾吓啲好嘢食。其实都见到Zeppelin有好多间分店，湾仔道呢间近所以买返公司试吓。其实佢都有几多款热狗选择，今次我拣嘅就系澳式风情热狗，因为我都好钟意食芝士、菠萝加千岛酱。因为太肚饿关系，所以就加多左薯条，都有几只口味: 芝士、芝士烟肉、芝士辣肉酱，而我就拣最后𠮶只贪佢重口味😝虽然等咗大约8至10分钟先整好，但系都值得嘅，因为系即叫即整好新鲜又热辣辣！个热狗好Juicy，我好喜欢佢上面个火焰芝士味好出！分量对我来讲啱啱好，仲有位可以食埋个芝士辣肉酱薯条。不过啲薯条上的芝士就比较硬身，但系𠮶酱好惹味，我觉得可以再辣啲😝价钱相当合理，成为左我返工买外卖嘅好选择！