山東小城 (埃華街)

营业中

休息中

之前去过呢间山东饺子店旺角店，觉得食物质素唔错，价钱合理！今次去大角咀店，叫咗唔同食物，终于食到羊肉馅饼，真系几有惊喜，值得试吓～～🔸京葱羊肉馅饼 $30上次想食但无晒～ 今次终于食到啦！馅饼即叫即整要等一阵，都几大个，上枱已经切开一半～外皮煎到脆脆地又有啲咬口，里面嘅羊肉馅超多，仲要系劲爆汁，非常juicy😍 有羊肉味又唔会有膻味，一路食一路滴汁，一定要试吓！之前食过佢哋嘅韭菜饼都好味～🔸招牌墨鱼饺担担面 $62晚市套餐嚟，送一杯自家制豆浆或山楂茶～ 马蹄墨鱼饺系呢度嘅招牌饺子，味道几好几特别，其他地方食唔到～ 今次加落担担面度一齐食，都几夹㖞，多咗花生香味！担担面面质唔会太腍，有啲口感，汤底浓淡适中，完全唔辣～🔸鲜肉菠菜饺配虾皮紫菜蛋花汤 $40之前食过煎饺同灼饺，今次试埋汤饺～ 拣咗鲜肉菠菜饺，大大只馅料几饱满，菠菜比例多，更加健康！饺子皮厚薄适中唔易烂，紫菜汤简单纯粹，味道唔会话好有惊喜，但就有啲家嘅味道～🔸老醋海蜇头 $18晚餐追加小食几抵！海蜇头几爽口开胃！🔸自制山楂茶🔸热桂圆红枣蜜 $10山楂茶跟餐送，酸酸甜甜够开胃～ 桂圆红枣茶唔会太甜几好饮，都几大杯！