韓讚 (已結業)

同大胃王细佬食饭最好食放题，呢间韩式放题好干净坐得又舒服，一扫星期日晚落雨既抑郁感🥳想食咩就写低，俾职员落单，即叫即整！野饮自己去雪柜拎，全部都系韩国乐天罐装饮品比如忌廉沟鲜奶、柠檬茶（个人最中意，甜酸度咁多种牌子最适中）仲有芒果汁同啤酒🍻烤肉系劲好味😋三层肉烤到金黄色边劲正，配一开始上既泡菜食，再加上热辣辣既泡菜豆腐汤，有几重既口感～烤黑豚肉，肉本身有腌好先烤，上面再铺芝麻～韩潮炸鸡🍗鸡脾肉好嫩，出面皮就炸得好脆，再点韩式甜辣酱，配埋啤酒一流～韩式炒粉丝 呢个我俾极力推荐，上菜时仲热腾腾，粉丝同配菜炒得岩岩好，有镬气，中意食辣既可以自己加泡菜食，或者将炒年糕既汁捞埋一齐食，事关个辣酱炒年糕惹味得黎，会愈食愈辣，好过瘾！紫菜胡麻豆腐见到系咪都好吸引呢，简单但好食既菜，食咁多烤肉辣野，岩晒食呢个冻滑研腐下火。同细佬研究左好耐究竟咩系杂锦BB饭,最后决定食左先讲，原来系韩式捞饭，有煎得好靓既太阳蛋，仲有菠菜（捞饭点少得佢）捞埋韩式辣酱，细佬自己一个ko晒一碗👌🏻最后食埋个甜品🍨士多啤梨雪糕有果肉，匙仲要系樱花🌸图案，清足晒我既少女心😂❣️