得閒飲茶

营业中

休息中

系元朗夜晚想饮茶，见到呢到所有点心即叫即蒸，同埋够晒平，就入左去。茶位都系$6位咋!香菇烧卖同埋虾饺系每次饮茶必食。原来呢到既虾饺之王咁劲，见到餐厅都贴左好多访问报章出黎! 虾饺皮薄，虾肉多之余又弹牙! 烧卖厚实好重菇味，好食! 呢到既糯米鸡系我见过最多馅既一间，入面有叉烧，有鸡，仲有蟹柳等等，真系好饱肚! 葱花虾米肠肠粉口感软滑，配上大小适中虾米同埋特制既甜豉油，味道咸香。蜜汁叉烧包都系主打足料! 龙虾汤鲜竹卷第一次食，普通既鲜竹卷就食得多。加左龙虾汤，提鲜左好多，而且浸住汤汁既鲜竹卷，食落仲系好脆口。