文華饕記 (已結業)

平时午市行过见到有唔少打工一族食午餐，唔想逼人，所以一直冇试。今日晚上9点几都未谂到食乜，一于试下。餐厅装潢茶餐厅格局，以为食嘅都系常餐快餐，但原来有好多小菜选择，全部即叫即炒，仲好有镬气。今次点咗香港人食大排档必点嘅菜。生炒骨内脆内软，酱汁甜甜酸酸，味道适中。鱼香茄子煲上菜时热辣辣，令人热血沸腾，散发浓郁鱼香味，茄子好滑，送饭一流。食咗15分钟之后仲好热，相信系用原煲煮完再上。文华炒饭有虾（都几大只）、蛋白、翠玉瓜、瑶柱丝，睇落简单，但炒得好够镬气，亦好好味，我哋食到一粒饭都冇剩。虫草花炖鸡汤另外点了个虫草汤，味道香浓，感觉熬咗好耐，亦无放味精，唔错。