影片
更多
2021-03-04
954 浏览
最近等紧 #SuperJunior 嘅十辑，为咗强行将自己同韩国连上关系，于是拉朋友一齐去食Sodam Chicken食炸鸡！拣呢间炸鸡餐厅系因为佢喺韩国有超过70间分店，既然宜家去唔到韩国，食下韩风美食都好。入座每位$128（炸鸡、Pizza放题），每人加$20就可以得到炸鸡、焗鸡、Pizza、小食放题，饮品买一送一，分酒精类同非酒精，大人、小朋友都啱饮。讲讲个餐牌先，炸鸡、焗鸡分别有有7款，Pizza有4款但按当天餐厅供应决定，小食就有8款，选择都真系唔少，而最好系可以一件件咁叫，唔会怕叫得太多或唔够食。大阪烧炸鸡、星洲咖喱炸鸡是店员推介的2款新口味，味道果然有惊喜！大阪烧的烧汁、沙律酱和木鱼丝原来同炸鸡劲夹；星洲咖喱味一上桌就咖喱香味四溢，令人胃口大开！全部鸡都系即叫即炸，juicy又滑～黄金咸蛋炸鸡、浓蒜炸鸡外皮沾满咸蛋黄，咸香味浓又唔腻，必点之选！另外，可能食开重口味，浓蒜酱汁略嫌唔够浓，但同行朋友一样赞够味。蜜糖蒜香焗鸡、双重芝士焗鸡焗鸡的鸡肉一样够晒滑嫩，而且因为鸡肉同样有用调味料腌过，真心好滋味！蜜糖蒜香焗鸡香甜度满分，是另一必点推介；双重芝士焗鸡的芝味入口未算浓郁，但
14 浏览
0 赞好
0 留言
最近等紧 #SuperJunior 嘅十辑，为咗强行将自己同韩国连上关系，于是拉朋友一齐去食Sodam Chicken食炸鸡！拣呢间炸鸡餐厅系因为佢喺韩国有超过70间分店，既然宜家去唔到韩国，食下韩风美食都好。
入座每位$128（炸鸡、Pizza放题），每人加$20就可以得到炸鸡、焗鸡、Pizza、小食放题，饮品买一送一，分酒精类同非酒精，大人、小朋友都啱饮。讲讲个餐牌先，炸鸡、焗鸡分别有有7款，Pizza有4款但按当天餐厅供应决定，小食就有8款，选择都真系唔少，而最好系可以一件件咁叫，唔会怕叫得太多或唔够食。
大阪烧炸鸡、星洲咖喱炸鸡
13 浏览
0 赞好
0 留言
是店员推介的2款新口味，味道果然有惊喜！大阪烧的烧汁、沙律酱和木鱼丝原来同炸鸡劲夹；星洲咖喱味一上桌就咖喱香味四溢，令人胃口大开！全部鸡都系即叫即炸，juicy又滑～
黄金咸蛋炸鸡、浓蒜炸鸡
10 浏览
0 赞好
0 留言
外皮沾满咸蛋黄，咸香味浓又唔腻，必点之选！另外，可能食开重口味，浓蒜酱汁略嫌唔够浓，但同行朋友一样赞够味。
蜜糖蒜香焗鸡、双重芝士焗鸡
16 浏览
0 赞好
0 留言
焗鸡的鸡肉一样够晒滑嫩，而且因为鸡肉同样有用调味料腌过，真心好滋味！蜜糖蒜香焗鸡香甜度满分，是另一必点推介；双重芝士焗鸡的芝味入口未算浓郁，但再食落鸡肉同样有芝味加返分。
喷火辣焗鸡
7 浏览
0 赞好
0 留言
符合商品说明条例真系有5只辣椒咁辣，果个辣系慢慢渗出来，又唔系死辣，嗜辣人士必点！
荔枝啤酒
19 浏览
0 赞好
0 留言
买一送一优惠，入口带荔枝香，不过就偏向似果汁酒。
韩式酸萝卜
15 浏览
0 赞好
0 留言
酸萝卜爱好者表示有得任食好开心，可以解腻兼解辣，清爽。
韩式辣拌海蜇
8 浏览
0 赞好
0 留言
唔算好辣，酱汁味道刚刚好，海蜇又弹牙。
紫菜薯条
4 浏览
0 赞好
0 留言
连薯条都系热辣辣，加埋舖面嘅紫菜一齐食。
张贴
