串カツ専門店

营业中

休息中

圣诞节机票真系最贵，特别系去日本嘅机票，所以宁愿喺香港揾返一餐福冈风味✨海鲜沙律前菜当然要嚟个开胃嘅，里面有油甘鱼、三文鱼、吞拿鱼，算系多鱼生！✨炸串炸粉唔会太厚，而且真系食到入口松脆嘅口感！特别推荐佢嘅鸡蛋串，蛋黄带点流心；鱼串清甜；咬落啖啖肉；卡门贝尔芝士绝对系邪恶嘅选择，奶香味满满，咬落口好软身✨自家制慢煮叉烧非常非常之有惊喜，虽然叉烧肉唔算好厚，但系肥瘦嘅均匀完全系一啖就食到！酱汁算系浓味，肉质好嫩带肉汁。✨鳗鱼玉子烧鳗鱼一整片放喺玉子嘅中间，切开嘅时候需要更彻底一啲！玉子好厚身好香滑，小编钟意点上小小嘅七味粉～✨铁盒生蚝蒸生蚝之前职员都会拎俾你望一望，确保系新鲜嘅！生蚝非常之肥美，而且亦都能够保持住佢原有嘅鲜甜，一定一定要加上柠檬汁提鲜。💡餐厅收取前菜费用、可以三拣一当日分别有西芹或牛蒡或中华沙律。