餃掂手工餃子雲吞專門店

知道呢间连锁饺子店都一段时间，最近去咗将军澳分店试吓，味道都几好㖞～🥟龙凤松茸双汤饺 8只 $92呢度嘅招牌饺子，馅料系黑白松露加猪肉，跟状元九鼎汤。虽然价钱比普通饺子贵，但味道几好，松露份量都多，猪肉新鲜，值回票价嘅！九鼎汤饮得出无味精👍🏻🥟香煎软心芝士饺 7只 $57馅料系芝士、粟米同猪肉，得煎饺无汤饺。个馅都几多芝士同粟米，口感丰富，值得一试呀！🥟寿喜烧牛肉饺 煎饺7只 $58第一次食呢款样子，一咬落去超多肉汁爆出嚟，洋葱香甜，牛肉甜甜地，都几好食！四川凉皮 $32夏天就想食凉皮！所以叫咗嚟试试，凉皮都几滑溜，但唔算好入味，浸耐啲汁食会好啲～黄金原味皮蛋 $28之前喺一间川菜店食过呢款黄金皮蛋，见到呢度有就试吓～口感比平时嘅皮蛋硬少少，蛋味都香浓，加埋醋汁食几开胃～呢间饺子店有几间分店，佢哋嘅招牌特色饺子都值得一试！