醉辣鮮 (新田購物城) (已搬遷) 新店位置

星期日一家人可以周围去食，今次去远些，入左元朗新田购物城，去左「醉辣鲜」食粥底海鲜蒸气锅。我哋拣咗「人气龙虾海鲜餐」，包括鲍鱼、生蚝、花甲及元贝等，共10款海鲜，仲可以亲自拣海鲜，或者叫店员帮你拣都可以。拣完海鲜，店员就帮我哋落定粥底嘅料，我哋首先品尝足料老火汤及温泉蛋， 并且首先蒸虫草花蒸鸡， 啲鸡真系好嫩滑，小朋友都岩食。主角海鲜到场，我哋就跟住店舖提供嘅时间表去蒸海鲜， 海鲜真系好生猛一路蒸，一路郁， 每款都鲜味十足，而且都好大只，啖啖肉， 特别推介龙虾及生蚝， 肉质真系好正， 食海鲜之余，仲有精选蔬果任食， 如果你钟意食海鲜，想再食多啲，仲可以加钱任食肉蟹、花甲同沙白。食完海鲜，就开始食充满海鲜精华嘅粥底， 鲜甜度十足，份量都好多碗，但系真系好味到全部清晒， 最后仲食埋𠮶是日甜品，好满足。