Sixer Burger (已結業)

荃湾真系好多美食小店，早排经过千色荟已经见到一间以船舱为设计主题嘅BURGER舖头，不过好多人排队所以放弃左，今日行过见到有位就冲左入去😋😋班尼迪蛋 $58底层系类似猪柳蛋嘅包，中层烟肉煎到好香，唔会太硬，最顶系水波蛋，配上特制酱汁，一咬开，蛋汁爆开，都几好味。👍🏻鱼柳薯条 $68即叫即炸嘅鱼柳炸到香脆可口，薄薄嘅炸粉配上嫩滑嘅鱼肉，点上微酸嘅沙律酱，真系一口接一口。薯条够脆够热，点上微甜茄汁，正！🍔牛肉啡菇芝士汉堡 $88手工汉堡之一，包底用左烘过嘅脆猪包，外脆内软。厚厚嘅汉堡牛肉混合左洋葱粒，好甜好juicy。配上新鲜大啡菇、厚切蕃茄、爽脆生菜，淋上芝士蘑菇汁，绝配呀！啡菇芝士汉堡+薯条餐汤 $68+26同牛肉啡菇芝士汉堡一样，少左块汉堡肉，感觉比较清新，好Fresh。餐汤系周打蚬汤，足料浓稠适中。