天勝

营业中

休息中

这天同女朋友放工去到铜锣湾一间楼上的日式餐厅食饭, 因为系同事介绍,所以就去试下.餐厅内环境宁静舒适, 空间感十足, 全以简朴的木调家俱, 整洁干净.这到食午餐, 呢度既午餐都好多样化, 但系唯一一点就是价格都比一般的略贵一点, 但系同事讲到好正, 点都要试下, 辛苦揾黎自在食.我地一人点左个定食, 我呢个系海鲜丼定食, 定食都附有沙律, 前菜同埋蒸蛋…先黎就系沙律份量不多不少, 中间有芝麻酱, 酸酸地几开胃, 沙律都几新鲜爽口…之后到日式蒸蛋, 蒸蛋好滑有蛋味, 而入面有冬菇同鸡肉, 唯一就是不够热, 如果热一点会更好…跟住就系个主角出场, 海鲜丼出场了…上面有好多唔同款式既刺身款式, 有甜虾, 鱼子粒, 吞拿鱼, 鱿鱼, 蟹棒, 海胆等…款款都好新鲜, 加入豉油不错, 甜虾好爽甜, 而鱼子粒冇腥味, 吞拿鱼肉质都十分鲜嫩易咬, 份量足够, 好高质…最后附送埋一碗味噌汤作结, 味噌汤唔会太咸, 有小小豆腐粒同埋海苔, 清甜易入口…正当以为完左, 职员就送上一小块哈蜜瓜为饭后甜品, 哈蜜瓜好新鲜爽甜, 同事果然冇介绍错, 食物质素都几高. 下次再黎过..