Burgerman (欽州街) (已結業)

平时放工经开深水埗钦州街呢间Burgerman，一直心思思想试下，今日心血来潮好想食个burger，就试下佢啦。 呢度嘅食物全部即叫即整，保证新鲜，但系就要比少少时间等。 呢度有好多款汉堡🍔，加$20 可以有皮薯条／田园沙律🥗及罐装饮品。 今次拣咗个丹麦蓝芝士汉堡，Blue cheese味道好独特🧀，味道强烈又刺激，唔系个个可以接受，不过我自己就好钟意呢个味道。呢度系用100%全天然美国安格斯牛肉及澳洲和牛，用原块牛扒切出嚟制成汉堡扒，肉味香浓，又厚又juicy，个包又烘过，非常香脆。 有皮薯条又香又脆，加上七味粉，滋味无穷！ 外卖仲有埋手套，相当贴心。