Burger Lab

营业中

休息中

由于另一半极爱食burger，今日路过见到呢间小店，餐牌好多选择，价钱又唔算贵，即管买来试吓。点咗「特级牛肉汉堡」同「芝士鸡肉汉堡」各一，另加$22转咗个汉堡套餐，包埋薯条同饮品一款。个特级牛肉汉堡系超巨型，足足高过正常汉堡嘅一大截，绝对要分开上下层咁先食到。超级足料，有双层汉堡、烟肉、仲有只流心蛋、蕃茄、生菜、芝士同洋葱。溶咗嘅芝士加埋流心蛋，配合埋个burger，好juicy，好好味！😋另一个芝士鸡肉汉堡，味道就相对冇咁浓烈，但都好好味呀。用咗沙律酱配合鸡肉，感觉冇咁肥腻，适合喜欢清淡口味嘅朋友。除咗burger 系即叫即制之外，薯条都系即叫即炸，完全冇多余油份嘅感觉，好脆好香口。真系食到唔停得口，食完一包都唔觉得漏呀。今次系叫外卖拎走，外卖盒包装企理，仲有手套提供，好贴心。现场环境都几舒服，有机会希望可以堂食试下。