影片
更多
2022-07-28
683 浏览
今日有事要嚟小西湾，临走前过左去「本湾市场」行下。印象中从来无嚟过呢个街市，原来入面装修得咁靓，以鲜艳色彩为主调，而且场内仲有唔少食店，啱晒我哋两个为食鬼，一于逐间行下。被这家间取名「The Vigor」嘅小食店吸引，食物款式非常多，除左炸物、意粉、饭类等之外，甚至连牛角包、铁板烧都有，选择好丰富。睇中左个二人套餐 ($168)，可以自选两份炸物(炸鸡髀/单骨鸡翼)，一款意粉同两款$28 或以下嘅小食，$28 以上可补差价。食物全部都系即叫即制，诚意十足。炸鸡髀超大只，拎起嚟非常坠手，鸡皮咬下脆卜卜，食到满嘴油香。鸡肉嫩滑不韧，而且劲 Juicy，入口完全冇油腻感。单骨鸡翼水准亦不俗，唔会炸到过晒火，咬落去肉质仲好鲜嫩，啖啖都有肉汁，而且调味亦啱啱好，带点辛辣，加上单骨，食起嚟好方便。黑松露鲜虾带子炒意粉：意粉炒得好香口，干身不油，一打开盒盖便即时传来阵阵松露嘅幽香。配料亦唔马虎，鲜虾同带子都鲜味十足，另外仲有芦笋、鲜菇同翠玉瓜，配意粉吃，啖啖滋味。小食拣左杂菌炒芦笋 (+$15) 同 炸云吞。芦笋好新鲜，入口翠绿清甜。杂菌质感爽嫩，带菇菌嘅天然芳香，而且食落唔会太咸太腻，香口惹味。炸
今日有事要嚟小西湾，临走前过左去「本湾市场」行下。
印象中从来无嚟过呢个街市，原来入面装修得咁靓，以鲜艳色彩为主调，而且场内仲有唔少食店，啱晒我哋两个为食鬼，一于逐间行下。
被这家间取名「The Vigor」嘅小食店吸引，食物款式非常多，除左炸物、意粉、饭类等之外，甚至连牛角包、铁板烧都有，选择好丰富。
睇中左个二人套餐 ($168)，可以自选两份炸物(炸鸡髀/单骨鸡翼)，一款意粉同两款$28 或以下嘅小食，$28 以上可补差价。食物全部都系即叫即制，诚意十足。
炸鸡髀超大只，拎起嚟非常坠手，鸡皮咬下脆卜卜，食到满嘴油香。鸡肉嫩滑不韧，而且劲 Juicy，入口完全冇油腻感。
单骨鸡翼水准亦不俗，唔会炸到过晒火，咬落去肉质仲好鲜嫩，啖啖都有肉汁，而且调味亦啱啱好，带点辛辣，加上单骨，食起嚟好方便。
黑松露鲜虾带子炒意粉：意粉炒得好香口，干身不油，一打开盒盖便即时传来阵阵松露嘅幽香。配料亦唔马虎，鲜虾同带子都鲜味十足，另外仲有芦笋、鲜菇同翠玉瓜，配意粉吃，啖啖滋味。
小食拣左杂菌炒芦笋 (+$15) 同 炸云吞。芦笋好新鲜，入口翠绿清甜。杂菌质感爽嫩，带菇菌嘅天然芳香，而且食落唔会太咸太腻，香口惹味。
炸云吞味道亦唔错，只只嘅外形都好饱满，入口热辣香脆，虾鲜肉甜。
另外仲加左 2 樽冷泡茶：高山翠绿 (+$12) 同 白桃乌龙 (+$12)，两款都系店舖自家浸泡，前者色泽翠绿鲜活，而后者亦茶味突出，回甘中带白桃甜香。
张贴
