流水蝦

营业中

休息中

想食流水虾好耐，今日终于约到朋友陪我去试下🙌🏻。任饮任食两个半钟。除左虾，成人重送海鲜船同美国Prime级牛肉。每台隔离都有个水缸可以即时夹啲大头虾上嚟食，即夹即烧，保证够晒新鲜😍！D虾生猛到有时明明夹到但又弹走左。有得玩又有食，一举两得✌🏻😚！本身唔知，店员话原来要先将虾放落冰水冻晕先再烧黎食。枱面重有花椒胡椒等调味粉供客人为大头虾调味。我同朋友都无加。因为虾本身够新鲜，唔需要调味都已经好好食了～海鲜船有扇贝、鲍鱼、脆鱼鲩同蚬。美国Prime级牛肉分别切成粒和薄片，各有不同口感，牛味香浓。另有各式海鲜、肉类、丸类、蔬菜、沙律、熟食、炸物、汤、水果、甜品、雪糕任食😍。最特别系有熟食，重有白饭任装！海鲜有鱼、蚝、青口等。秋刀鱼重系原条上！😱好夸张！蔬菜方面，金菇同娃娃菜已预先用锡纸包起，加左好多蒜蓉，食落好香啊！炸物方面有炸饺子、炸鸡翼等等。用个暖炉烘住保温，确保够热。甜品款式选择好多！🍮🍰🍧有雪糕、马卡龙等。雪糕重有唔同口味拣。估唔到有榴梿味！我朋友最钟意食榴梿，佢就最开心啦。饮品选择多，实有款啱你口味。