東記上海麵

营业中

休息中

呢度嘅邪恶猪扒同鸡翼， 久唔久就挂住佢 。上一次系几个月前来食过， 今日再食都唔过份喇。东记喺新街市二楼 ，之所以叫做新街市， 系因为以前有个临时咗N年嘅临时街市， 新市政大楼起好，街坊都叫佢做新街市。佢地系临时街市果阵我已经食过，不过唔记得咗系东记定世记(兄弟帮)。搬咗入嚟新街市， 东记有地势之优， 上咗escalator 行入去过几间就系。世记再要行入几间。 我通常都会喺呢度食， 今日照旧嗌咗猪扒粗面 ，叫咗先记得呢度啲粗面劲淋， 但系次次都口快快叫咗，其实想试下米线或者米粉。平日两点零钟， 唔使等位 ，炸猪扒即叫炸，等咗十分钟左右， 有得食喇。猪扒切开大概六件， 分开上，唔会浸系汤面度淋哂。猪扒保持水准， 炸得好香，肉质够松软 ，又惹味， 啖啖肉 ，好邪恶。啲面讲咗喇 ，一咁淋， 啲汤都平平无奇， 喺呢度真系食炸猪扒同埋炸鸡翼呢度冇嘢饮叫， 如果想饮，就要喺隔离茶档叫过嚟啦。记得上次星期六嚟， 好彩揾咗一阵就有位 。但系跟住个猪扒同鸡翼面要等成30分钟以上， 如果假日去食， 就预咗等咁耐喇。