三多炸肶 (已結業)

大埔嘅三多炸脾，不嬲都几出名，朋友推介，红磡嘅三多炸髀原来都唔错，试食过后，甚为高质。炸鸡脾：即叫即炸，大约要等15分钟。炸鸡脾嘅鸡皮炸得相当香脆，好似食薯片咁样，鸡皮嘅粉浆又唔会上得太厚，感觉系食鸡皮多过食粉浆。鸡肉冇overcook，仍然系好juicy，皮香肉嫩。整体嚟讲，呢只炸鸡髀相当有水准，亦够大只。 顺带一提，除炸鸡髀附送一只胶手套，等大家唔洗整污糟手，相当贴心！！！爆柠：其实即系柠檬茶再加爆珠。柠檬茶一般般啦，但系亮点嘅爆珠，令你饮柠檬茶嘅时候会试到两种口感，值得一赞。总括而言，$48 嘅价钱能够食到呢一种质素嘅炸鸡髀系相当之难得，可惜环境迫夹，但系尚可接受。顺带一提，由于炸鸡髀系即炸嘅关系，小弟食完嘅第二日即系喉咙痛，奉劝大家食完「三多炸髀」之后饮多几杯凉茶啦！！！