鮨廷 (已結業)

入到去店員會俾張點餐紙你、剔好後直接交俾壽司師父，之後就等開餐。叫咗個午市套餐，跟碗沙律菜同麵豉湯。沙律菜好爽口，只係放少少醬油已經好開胃。鰻魚壽司－鰻魚肉燒炙燒過後入口甘香，唔會太冧，食到鰻魚肉質，醬油味啱啱好。甜蝦壽司、赤蝦壽司－兩款蝦肉都甘甜爽口，老實講食唔出有咩分別。可二選其一。松葉蟹肉軍艦、蟹棒蟹糕軍艦、飛魚籽軍艦－蟹肉鮮甜，蟹糕入口即溶，超香蟹糕味！飛魚籽比較之下好一般，留番個額叫其他好啲。追加！炙右魚邊壽司－燒得恰到好處，少少焦香又唔影響肉質。追加！北海道海膽－極力推薦！鮮甜到不得了，份量好足夠。