鮨廷 (裝修中)

入到去店员会俾张点餐纸你、剔好后直接交俾寿司师父，之后就等开餐。叫咗个午市套餐，跟碗沙律菜同面豉汤。沙律菜好爽口，只系放少少酱油已经好开胃。鳗鱼寿司－鳗鱼肉烧炙烧过后入口甘香，唔会太冧，食到鳗鱼肉质，酱油味啱啱好。甜虾寿司、赤虾寿司－两款虾肉都甘甜爽口，老实讲食唔出有咩分别。可二选其一。松叶蟹肉军舰、蟹棒蟹糕军舰、飞鱼籽军舰－蟹肉鲜甜，蟹糕入口即溶，超香蟹糕味！飞鱼籽比较之下好一般，留番个额叫其他好啲。追加！炙右鱼边寿司－烧得恰到好处，少少焦香又唔影响肉质。追加！北海道海胆－极力推荐！鲜甜到不得了，份量好足够。