勝記酒家 (已結業)

原本周二晚旧同学聚会约好咗半围枱去湾仔新店「胜记酒家」食乳猪，点知有几个都临时有事唔黎得，结果只剩下小肥同两位靓女师妹玩小圈子晚聚。冇落场时间o既「胜记」冷气好足，且间隔开扬通爽。惯性早到o既XO仔埋位当然系要先啤一啤佢啦！大家要留意，大朝日啤酒每支$28，两支则为特价$42，可悭成$14，即多过一个人o既$13晚市茶芥架。送上啤酒时，姨姨同时亦呈上花生小食俾细佬送酒，认真体贴。楼面o既服务生虽然都比较年长，但上上下下都一样好客友善，实属难得。等待小师妹到临时，小肥师兄先独自细阅餐牌。当中最有意思就系睇到两页有关饮食o既享酒诗句及厨艺三十六式。因深知女伴胃口不大，细佬就揸主意点咗个例牌乳猪、牛肉小食、同招牌炒面，谂住唔够食先再追加。胜记即烧乳猪（$150/例）：即烧乳猪红当当，卖相极之吸引。打开蒸笼，粉绿色o既面包薄片即散出烟雾，够哂热辣辣。乳猪皮层一啲肥膏都冇，入口松化香脆，连同软熟o既面包食，不需多点甜酱已够美味可口，坚！蒜片牛仔粒（$78）：牛仔粒松润惹味，送酒一流。招牌豉油皇炒面（$73）：豉油皇炒面真系可以用劲量级黎形容，因为除咗大碟之外，啲面仲成座山咁高，好震撼！豉油皇炒面