一輪 (一門町市場)

最近大热嘅席前烧汉堡扒，竟然喺荃湾揾到一间！主打「北海道十胜产A4-5级和牛」，听落已经好吸引，当晚特登去试，果然人气满满，门口排住20人左右。落单后，师傅即场烧制汉堡扒，𠮶阵阵烧肉香已经令人肚饿。期间侍应送上套餐包括嘅半熟温泉蛋、日式面豉汤、沙律，仲有珍珠米饭可任装。-原味汉堡扒热辣送上，外层微焦，内里嫩滑多汁，牛味浓郁，油脂香气充满口腔，唔会过干亦唔会过腻，简单但令人满足。-三重芝士汁(现刨芝士+三重芝士酱)芝士版本最具「仪式感」，侍应会即场淋上三重芝士酱，再刨上满满芝士丝，浓厚嘅芝士香同牛肉油脂完美结合，邪恶程度爆灯，芝士控必试！-香辣番茄汁番茄汁版本清新平衡，酸甜味中和咗牛肉嘅油腻感，微微香辣但唔会抢去主角风头，反而更突出牛肉嘅香气，啱晒怕腻嘅人。呢间席前烧汉堡扒用料讲究，味道选择多样，套餐丰富又抵食。原味浓郁，芝士邪恶，番茄清新，各有特色。作为荃湾嘅隐藏美食，绝对值得一试！