季季紅風味酒家 (已結業)

系中环金钟湾仔番工既朋友都知中午要揾食真系排队排到七彩，唔系就贵到傻，食餐晏姐，洗唔洗等咁耐啊😭😭上星期三请同事食饭，一行十四人要系湾仔揾酒楼开餐唔系执得执就执就系好鬼死远，听朋友讲元朗季季红既禾米猪出名，所以就拣左黎湾仔呢间分店到食，我地叫左一只禾米猪，$660又唔算好贵，十四人分一人都有两件分到，猪就即烧既，热腾腾的，肚入面既饭都好多虽然有点油，但都几好味，猪头同猪脚仔就打包番去煲粥，叫到成枱点心，埋单都系千一蚊左右，十四个人人头都唔洗一百蚊有禾米猪食，都几热闹开心既，请同事食饭一大班人不防黎呢度！