雅苑座

咁啱屋企齐人，于是临时起意7月尾食定8月份生日寿星嘅晚饭即日去食都知难揾，打咗几间都话full雅苑座话有位就拿拿临book去到虽然唔系爆满都有八成半人，座位安排近甜品𠮶边，即日黎讲算系咁上下啦员工真系要赞，食物系不断refill，去到最尾都仲系refill 紧，厨房又会出黎周围望有冇野要加，侍应又系好勤力，主动积极收碟海鲜好正好新鲜，款式算多仲要有龙虾食，超级鲜甜而且不断refill，另外要赞下个凭券换领嘅鲍鱼带子真系好入味好好食，饮品种类都多，甜品要赞平平无奇嘅朱古力同白朱古力蛋糕，好惊喜地好食有个招牌拿破仑蛋糕出场会响铃钟通知，好多人出去排几有气氛，但我地食得太饱冇去攞唔知系咪真系咁招牌好食呢🤪6点半入座可以坐到9点半，气氛环境好员工又态度佳，埋单有8折即人均656一个，算系对得起价钱啦